У гэты дзень, 275 гадоў таму назад нарадзіўся Тадэвуш Касцюшка
4 лютага 1746 года нарадзіўся Андрэй Тадэвуш Банавентура Касцюшка - ваенны інжынер і ваенны лідар Рэчы Паспалітай, які стаў нацыянальным героем у Беларусі, Польшчы і ЗША. Удзельнік барацьбы Рэчы Паспалітай супраць Расіі і Прусіі, а таксама ўдзельнік вайны за незалежнасць ЗША. Брыгадны Генерал Кантынентальнай Арміі ЗША і Генерал-лейтэнант арміі Рэчы Паспалітай. Лідар нацыянальна-вызваленчага паўстання 1794 года ў Рэчы Паспалітай супраць расійска-прускай акупацыі краіны.
