Чхо Ён

О Ён-су. Портрет.

Be Strong! Lee Seo Young / Силачка Ли Со Ён

Беларускім выкладчыкам расказвалі пра перавагі сыстэмы адукацыі КНДР

     На мінулым тыдні для выкладчыкаў Віцебскай вэтакадэміі (ВДАВМ) правялі навукова-мэтадычны сэмінар, які быў прысьвечаны абароне дысэртацыі іх калегі Сяргея Дзявятых на тэму ”Самабытныя ідэі аб адукацыі й сыстэма адукацыі ў КНДР”. 

     У сваім выступленьні ён данёс калеґам думку, што сыстэма адукацыі КНДР на ўсіх яе ўзроўнях накіравана на ”фармаваньне ў навучэнцаў якасьцей, якія дазваляюць чалавеку мэтанакіравана зьмяняць навакольны сацыяльны сьвет такім чынам, каб ён адказваў ідэалам калектывізму, сацыяльнай справядлівасьці й праґрэсу”.

     Варта адзначыць, што Дзявятых у прынцыпе вядомы сваім асаблівым стаўленьнем да КНДР. Напрыклад, ён наведваў Амбасаду КНДР у Менску й нават быў узнагароджаны ўладамі Паўночнай Карэі за ”тлумачэньне й доказ правасьці й адметнасьці самабытных ідэй і палітыкі КНДР, заснаваных на традыцыях рэвалюцыйнай адукацыі, закладзеных Кім Ір Сэнам”.  

   «Дастаткова паказальнай зьявай зьяўляецца й тое, што ўслаўленьне таталітарнага палітычнага рэжыму ня толькі не асуджаецца ў беларускай адукацыі, але й усяляк прасоўваецца, што выяўляецца ў напісаньні прац і правядзеньні сэмінараў з тэзамі, якія апраўдваюць уладу Паўночнай Карэі», — кажуць экспэрты @іSANS_Belarus.

Коспелеерша Лай Пин-ю стала главой 12-го округа Нью-Тайбэя в Тайване.

«Передайте товарищу Лукашенко: Произошла чудовищная ошибка!». У Беларусі сталініст-даносьнік трапіў пад рэпрэсыі й амаль не памёр за кратамі.

Былы дэпутат Вярхоўнага Савета СССР Мікалай Петрушэнка ў 2020-м годзе падтрымаў лукашэнкаўскую ўладу й пэрыядычна страчыў даносы ў КДБ. Але нечакана бумэранґ лукашэнкаўскіх рэпрэсый прыляцеў па самому даносьніку. У камуніста-сталініста знайшлі стары рэпост са СМІ, якое стала «экстрэмісцкім». 

Петрушэнка - прафэсыянальны сэрыйны даносьнік.

У зьлітай Кібэрамі базе даносаў у КДБ ґрупа "Віцебск гуляе" знайшла 8 выпадкаў карэспандэнцыі Мікалая Сямёнавіча Петрушэнкі за пэрыяд з 2015 па 2022 год.

У некаторых выпадках пэнсіянэр патрабаваў праверыць розныя пасады й ґрупы ў сацсетках — пра адну ґрупу ў VK ён нават жартаўліва напісаў, што й сам падпісаўся на гэтую экстрэмісцкую супольнасьць.У гэтым жа паведамленьні ён падначваў супрацоўнікаў КДБ падпісацца на яго dzen-старонку.

Шэраг яго скарг таксама складаўся тым, каб падвергнуць сумневу здабытыя пасьведчаньні аб масавых растрэлах савецкіх грамадзян на Кабыляцкай гары каля Оршы. Там усталяваны мэмарыял у памяць аб ахвярах сталінскіх рэпрэсый.

Не спадабалася нашаму камуністу й "няправільная праўда". Калі ў талачынскай раёнцы выйшаў артыкул з успамінамі 102-гадовай ураджэнкі спаленай нацыстамі вёскі Рыдомля, наш сталініст вельмі аґрэсыўна адрэагаваў на яго. У аповядзе пра ваенны час жанчына згадала, што былі й тыя немцы, «якія частавалі дзетак шакалядам і давалі кавалачкі мыла для мыцьця».

Мужчына стаў тэлефанаваць у раёнку й райвыканкам, каб "няправільныя ўспаміны" выразалі з тэксту. Пасьля ягоных патрабаваньняў тэкст зьмянілі.

Петрушэнка апублікаваў тэкст з крытыкай раёнкі, назваўшы яго "Хто пад дахам ідэалягічнай вэртыкалі праводзіць антыбеларускую палітыку".

Пасьля таго, як у красавіку 2024 году на яго склалі пратакол за публікацыі, якія ён зрабіў у 2018 годзе, суд над ім нічым ня скончыўся — справу вярнулі ў РАУС на дапрацоўку, але дасьведчаны аматар «крэпкіх» лідараў ня стаў чакаць абвінавачваньняў у тым, што ён нямецкі й японскі шпіён — і выдаліў усе свае сацсеткі, але гэта яму не дапамагло. 

 У выніку– распавядае Orsha.eu – некалькі тыдняў таму Петрушэнка быў асуджаны на 10 сутак адміністрацыйнага арышту. На 7-ыя суткі, з-за цяжкіх умоў трыманьня, ў нашага сталініста пачаліся сур'ёзныя праблемы здароўя - адчынілася прабадная язва. Петрушэнку пасьпелі давезьці да бальніцы й выратавалі. Што з нашым камуністам сёньня, пакуль невядома, таму напішу аб гэтым, калі зьявіцца інфармацыя.